Хөлөнбуйр сумын нутаг дэвсгэрт байрлах Хэрлэн голын гүүрний зүүн талд живж байсан бага насны хүүхдийг тус гүүрний хамгаалалтын ажилтан Д.Алтансүх, сумын цагдаагийн тасгийн албан хаагчид аварчээ.

Тодруулбал “Гүүрний зүүн талд 3-5 насны хүүхэд живж байна” гэсэн дуудлага өнөөдөр /2020.05.29/ 13:00 цагийн орчимд сумын цагдаагийн тасагт ирсэн байна. Үүний дагуу цагдаагийн ахлах дэслэгч Г.Мөнхтөр, Олон нийтийн цагдаа Д.Батбаяр нар түргэн шуурхай очиж нөхцөл байдалтай танилцан хүүхдийн биеийн байдлыг үзэж, тайвшруулан 5 настай ахын хамт гэрт нь хүргэж өгсөн байна.