Орон нутгийн сонгуулийн сурталчилгаа 15 хоногт явагдана

2020/02/04
Орон нутгийн сонгуулийн сурталчилгаа 15 хоногт явагдана

УИХ-ын чуулганы /2020.01.30/-ны хуралдаанаар Аймаг, нийслэл, сум, дүүргийн иргэдийн Төлөөлөгчдийн хурлын сонгуулийн тухай хуулийн төсөл болон хамт өргөн мэдүүлсэн Аймаг, нийслэл, сум, дүүргийн иргэдийн Төлөөлөгчдийн хурлын сонгуулийн тухай хуулийг дагаж мөрдөх журмын тухай хуулийн төслийн эцсийн хэлэлцүүлгийг хийж баталлаа.

Хуульд нэр дэвшигч нь төрийн жинхэнэ албан хаагч болон төрийн үйлчилгээний албаны удирдах албан тушаалтан, төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээдийн дарга, дэд дарга, захирал, дэд захирал, Засгийн газраас байгуулсан хамтын удирдлагын байгууллагын орон тооны болон орон тооны бус гишүүн ээлжит сонгуулийн жилийн 08 дугаар сарын 01-ээс ажлаа хүлээлгэн өгөхөөр заалаа. Мөн хуульд авлига, албан тушаалын гэмт хэрэг үйлдсэн нь шүүхээр тогтоогдсон бол нэр дэвшихийг хориглох заалтыг хуульд нэмж тусгасан юм. 

Орон нутгийн сонгуулийн сурталчилгааны 15 хоног байх бөгөөд санал хураалтыг 20:00 цагт дуусгана гэж заажээ. 

Орон нутгийн сонгуулийн сурталчилгаа 15 хоногт явагдана  
Dornod.Today Facebook  

Сэтгэгдэл бичих:

Нэмэх